တအာင်းအကြောင်း

တအာင်း(ပလောင်)လူမျိုးတို့၏နောက်ခံသမိုင်းအကျဉ်း

တအာင်း(ပလောင်) လူမျိုးတို့သည် ဤကမ္ဘာမြေပေါ်တွင် ရှေးနှစ်ထောင်ပေါင်းများစွာ ကတည်းကပင် ရှင်သန်  တည်ရှိလာသည်ကို သမိုင်းအထောက်အထား များစွာတွင် တွေ့ရှိရသည်။ မွန်ဂိုလွိုက် လူမျိုးနွယ်ကြီး မှ သြစသြစ် လူမျိုး-သြစတြိုနီးရှန်းနှင့် သြစတြို အေရှတစ် ဘာသာစကားပြောကြသော မွန်-ခမာ မျိုးနွယ်စု ဖြစ်သော တအာင်းလူမျိုးတို့သည် တရုတ်ပြည် ယန်စီကျန်းမြစ်ဝှမ်း ဒေသတို့တွင် အခြေချနေထိုင် လာခဲ့ကြသည်။

မြောက်ပိုင်းလူမျိုးများ အစုလိုက် အပြုံလိုက် တိုးဝင်လာခြင်းနှင့် စစ်ဘေးဒါဏ်တို့ကြောင့် တောင်ပိုင်းဒေသသို့ ရေကြည်ရာ မြက်နုရာ ပြောင်းရွေ့နေထိုင် လာခဲ့ကြသည်။ ခရစ်တော်မတိုင်မီ ဘီစီ တထောင်ခန့် (နှစ်ပေါင်း သုံးထောင်ကျော်) ကပင် မွန်-ခမာအနွယ်ဝင် မွန်၊ ဝ၊ ပလောင် လူမျိုးတို့သည် တရုတ်ပြည်  တောင်ပိုင်း ယန်စီကျန်းဒေသမှ ရွှေလီမြစ်၊ တာပိန်မြစ်၊ သံလွင်မြစ်နှင့် မဲခေါင်မြစ်ကြောင်းများ အတိုင်း ရွေ့ပြောင်းလာကြပြီး ထိုမြစ်ဝှမ်းများ ဒေသများတွင် အခြေချနေထိုင် လာခဲ့ကြသည်။

ထို့ကြောင့် မနုဿပညာရှင်တို့က မွန်၊ ဝ၊ ပလောင် လူမျိုးတို့သည် ယခု မြန်မာပြည် ဟုခေါ်ဆို သတ်မှတ် ထားသည့် နယ်မြေ ဒေသတွင်းသို့ ပထမဉီးဆုံး အခြေချနထိုင်သော မွန်-ခမာမျိုးနွယ်များ ဖြစ်သည်ဟု လက်ခံထားကြသည်။

တအာင်း(ပလောင်)လူမျိုးနှင့် လူမျိုးတမျိုးဟု အသိအမှတ်ပြုနိုင်မည့် ဝိသေသလက္ခဏာ

ကမ္ဘာပေါ်ရှိ လူမျိုးစုများအကြောင်း လေ့လာသည့် မနုဿလူမှုပညာရှင်များ  သတ်မှတ်ထားသော လူမျိုး တမျိုး ဖြစ်ကြောင်း အသိအမှတ်ပြုနိုင်မည့် ဝိသေသလက္ခဏာများမှာ-

  • လူသားအုပ်စုအဖြစ် စုစည်းမှု (Racial Unity)
  • ဘာသာစကား တူညီမှုအရ စုစည်းထားမှု (Community of Language)
  • ယဉ်ကျေးမှုနှင့် ဓလေ့ထုံးတမ်းတူညီမှု အရစုစည်းထားမှု (Community of Culture and traditions)
  • နေထိုင်ရာ နယ်နိမိတ်စုစည်းမှု (Geographic Unity)
  • ဘုံအကျိုးစီးပွားတူညီမှု (Common Interests)တို့ ဖြစ်ပါသည်။

မိမိတို့ တအာင်းလူမျိုးသည် ထိုဖော်ပြပါ လူမျိုးတမျိုးအားအသိ အမှတ်ပြုနိုင်မည့် လက္ခဏာနှင့် ပြည့်စုံ ကိုက်ညီသော လူမျိုးတမျိုး ဖြစ်သည်။ တအာင်းလူမျိုးတွင် မျိုးနွယ်စုများရှိပြီး ထိုမျိုးနွယ်စုအားလုံးမှာ တအာင်းလူမျိုး အဖြစ် ခံယူကြသည်။ တအာင်းလူမျိုးသည် မြန်မာနိုင်ငံရှိမည်သည့် လူမျိုးတို့၏ လက်အောက်ခံမျိုးနွယ်စု၊ မျိုးနွယ်စိပ် တခုမဟုတ်ပေ။

လူမျိုးနွယ် ဆင်းသက်မှုအရ မွန်၊ ပလောင်၊ ဝ၊ ခမာ လူမျိုးတို့မှာ မွန်ခမာ မျိုးနွယ်များ ဖြစ်ကြပြီး တအာင်း ပလောင်လူမျိုးးသည့် သီးခြားလွတ်လပ်သည့် လူမျိုးတစ်မျိုး ဖြစ်သည်။

အမျိုးသားရေး ဝိသေသလက္ခဏာများ
ကမ္ဘာနိုင်ငံရေး သိပ္ပံပညာရှင်များနှင့် နိုင်ငံရေးခေါင်းဆောင်များ သတ်မှတ်ထားသည့် အမျိုးသားရေး ဝိသေသ လက္ခဏာများမှာ-
•   တူညီသောနောက်ခံသမိုင်းကြောင်း (Political Background)
•   နိုင်ငံရေးအသိနိုးကြားမှု (Political Awareness)
•   နေထိုင်ရာနယ်မြေအပိုင်းအခြားတဆက်တည်းရှိခြင်း (Geographic Unity)
•   တူညီသော ဘာသာစကား၊ စာပေနှင့်ယဉ်ကျေးမှု (Language and Culture) တို့ဖြစ်ပါ သည်။

တအာင်းလူမျိုးတို့သည် နမ့်ဆန်၊ မန်တုံ၊ နမ့်ခမ်း၊ မူဆယ်၊ ကွတ်ခိုင်၊ လားရှိူး၊ သီပေါ၊ နမ္မတူ၊ ကျောက်မဲ၊ မိုးမိတ်၊ မိုးကုတ်၊ မိုင်းလုံ၊ မိုင်းရှူး၊ မိုင်းကိုင်၊ ကလော အစရှိသောမြို့နယ်များတွင် ရှေးနှစ်ထောင်ပေါင်း များစွာကတည်း ကပင် ပျံ့နှံ့စွာ နေထိုင်ကြပါသည်။

တအာင်းလူမျိုးများသည် နမ့်ဆန်၊ မန်တုံ၊ နမ့်ခမ်း၊ မူစယ်အရှေ့တောင်ခြမ်း၊ ကွတ်ခိုင်အနောက်ခြမ်း၊ နမ္မတူ အနောက်ခြမ်း၊ ကျောက်မဲ အနောက်နှင့် မြောက်ခြမ်း၊ မိုးကုတ်အရှေ့ခြမ်း၊ မိုးမိတ်အရှေ့ တောင်ဘက်ခြမ်း တို့တွင် တဆက်တည်း ထိစပ်နေထိုင်လျက် ရှိပါသည်။

တအာင်းလူမျိုးတွင် ကတူရ်၊ ကွမ်ဟယ်၊ တောင်မ၊ ရူမိုင်း၊ ရူစိင်၊ ရူကော၊ ရူဂွါင်၊ ရူခ်ုရ်၊ ထဲဝ်ရာည်(ရူပိုး)၊ ရူမိူင်၊ ရူမာဝ်၊ ရူလောင်၊ ရူခူရ်၊ ရူလျဲငှ်၊ ရူနော့်၊ ရူဘြာ်င်၊ ငွံန်ရောတ်၊ ပန်နိမ် စသဖြင့် မျိုးနွယ်စု များစွာ ရှိသော်လည်း ဘာသာစကား၊ စာပေနှင့် ဓလေ့ထုံး ယဉ်ကျေးမှုတို့မှာ အတူတူပင် ဖြစ်သည်။

တအာင်းလူမျိုးတို့သည် အေးချမ်းစွာသီးခြား၊ တောင်တန်း ကုန်းပြင်မြင့်များအတွင်း လမ်းပန်း ဆက်သွယ်ရေး ခက်ခဲခြင်း၊ အုပ်ချုပ်သူ အဆက်ဆက်တို့၏ ဖိနှိပ်မှုကြီးမားခြင်း အစရှိသည့် အချက်များကြောင့် ဘာသာစကားမှာ နေရာဒေသနှင့် မျိုးနွယ်အလိုက် အနည်းငယ် ကွဲပြားသည်။

သို့ သော် အချင်းချင်း ဆက်သွယ်၍ မရနိုင် လောက်အောင် ကွဲပြား ခြားနားခြင်း မရှိချေ။

တောင်ပိုင်စော်ဘွား အဆက်ဆက်တို့သည် လွန်ခဲ့သည့် နှစ်ပေါင်းတထောင်ကျော် ကတည်းကပင် တအာင်းလူမျိုး  တို့ကို ဆွေစဉ် မျိုးဆက်အရ အုပ်ချုပ်ခဲ့ပါသည်။ တအာင်းလူမျိုးတို့၏ နောက်ဆုံးစော်ဘွားဖြစ်သည့် ခွန်ပန်းစိန်သည် ပြည်ထောင်စု မြန်မာနိုင်ငံဖြစ်ထွန်း ပေါ်ပေါက်လာရန် အဓိကအက္ခရာကျသည့် ပင်လုံစာချုပ် ချုပ်ဆိုရာတွင် ပါဝင်ဦးဆောင်ခဲ့သူ ခေါင်းဆောင်တဉီး ဖြစ်သည်။

တအာင်းလူမျိုးတို့ နေထိုင်ရာ တောင်စဉ် တောင်တန်းများကို ပိုင်စိုးသူ ခေတ်ရေစီးကြောင်း အမြင်ရှိသူ တောင်ပိုင်စော်ဘွားကြီးသည် ၁၉၅၈ ခုနှစ်တွင် စော်ဘွားအာဏာ စွန့်လွှတ်ပြီး ပဒေသရာဇ် အုပ်ချုပ်ရေး စံနစ်ကို အဆုံးသတ်ခဲ့ပါသည်။

တအာင်းလူမျိုးတို့သည် ကိုလိုနီနယ်ချဲ့များ တောင်ပိုင်နယ်အတွင်းသို့ လာရောက်သိမ်းပိုက်သည့် အချိန်တွင် ခုခံကာကွယ်ခဲ့ပြီး အခြားလူမျိုးများနှင့် အတူ နယ်ချဲ့တော်လှန်ရေး တိုက်ပွဲများ ပူးပေါင်းဆင်နွှဲ ခဲ့ကြသည်။ လွတ်လပ်ရေး ကြိုးပမ်းမှု ကာလတွင်လည်း တောင်ပိုင်စော်ဘွားကြီး ဦးဆောင်မှု အောက်တွင် ပါဝင်လိုက်ပါ ခဲ့သည်။ စော်ဘွားကြီး ခွန်ပန်းစိန်သည် မြန်မာပြည်၏ လွတ်လပ်ရေး မီးရှူးတန်ဆောင် ဗိုလ်ချုပ်အောင်ဆန်း၏ လွတ်လပ်ရေး ကြိုးပမ်းမှုတွင် တဘက်တလမ်းမှ ပါဝင်ပံ့ပိုး ကူညီခဲ့သည်။

အမျိုးသားရေး လက္ခဏာကို ငြိမ်းချမ်းသည့် နိုင်ငံရေး နည်းလမ်းဖြင့် လှုပ်ရှားရန်အတွက် ပလောင်အမျိုးသား စည်းလုံးညီညွတ်ရေး အဖွဲ့ချုပ်ကို ၁၉၄၆ ခုနှစ်တွင် ဖွဲ့စည်းခဲ့သော်လည်း တော်လှန်ရေး ကောင်စီ စစ်အစိုးရ လက်ထက် ၁၉၆၂ ခုနှစ်တွင် ဖျက်သိမ်းခံခဲ့ရသည်။

ထိုနောက် တအာင်းပလောင်အမျိုးသား တို့ကို ကာကွယ်နိုင်ရန်အတွက် တအာင်းမျိုးချစ် လူငယ်များ နှင့်    တောင်ပိုင်စော်ဘွားနွယ်များက လက်နက်ကိုင် တပ်ဖွဲ့ကို ကြိုးပမ်း ဖွဲ့စည်းခဲ့ ကြပါသည်။

၁၉၆၃ ခုနှစ်တွင် ပလောင်အမျိုးသား တပ်ဖွဲ့ တပ်ရင်း(၅)နှင့် တပ်ရင်း(၆) တို့ကိုဖွဲ့စည်းခဲ့ပြီး လက်နက် ကိုင် တော်လှန်ရေးကို စတင်ခဲ့သည်။ ထိုမှတဖန် ၁၉၇၆ ခုနှစ်တွင် ပလောင်ပြည်နယ် လွတ်မြောက်ရေး တပ်မတော်အဖြစ် ပြင်ဆင်ဖွဲ့စည်းခဲ့ပြီး ပလောင်တောင်ပိုင် နယ်များကို ခုခံကာကွယ် စိုးမိုးခဲ့သည်။ အခြေအနေ အကြောင်းအမျိုးမျိုးကြောင့် ၁၉၉၁ ခုနှစ်တွင် အပစ်အခတ်ရပ်စဲခဲ့ပြီး ၂၀ဝ၅ ခုနှစ်တွင် အပြီးအပိုင် လက်နက် အပ်ခဲ့ရသည်။

ပလောင်အမျိုးသား ဒီမိုကရေစီအဖွဲ့ချုပ်သည် ၁၉၉၀ ပြည့် ရွေးကောက်ပွဲတွင် နမ့်ဆန် နှင့် ကွတ်ခိုင် နယ်တွင် မဲအနိုင်ရရှိခဲ့ပြီး နောက်ပိုင်းတွင် စစ်အုပ်စုတို့က ထိုနိုင်ငံရေးပါတီကို ဖျက်သိမ်းလိုက်သည်။ ၂၀၁၀   ရွေးကောက်ပွဲ တွင် လည်း ယခင် PSLA ခေါင်းဆောင်ဟောင်းများ ဖွဲ့စည်းထားသည့် တအာင်း (ပလောင်) အမျိုးသားပါတီ TNP က လွှတ်တော်ကိုယ်စား လှယ် စုစုပေါင်း ၆ ဦး အသီးသီး အနိုင်ရရှိခဲ့သည်။

တအာင်းလူမျိုးတို့၏ ဘုံစာမူအဖြစ် အသုံးပြုနိုင်ရန်အတွက် တအာင်းစာပေကို အားလုံး၏ သဘော တူညီမှုဖြင့် ပြုစုချမှတ်ကျင့်သုံး နိုင်ခဲ့သည်မှာ  နှစ်ပေါင်းသုံးဆယ် ကျော်ပြီး ဖြစ်သည်။  တောင်ပေါ်ကုန်းပြင်မြင့်တွင် နေထိုင်ကြသော တအာင်း လူမျိုးတို့သည် ယုံကြည်ကိုးကွယ်မှု၊ ဘာသာရေး ပွဲလမ်းသဘင် ကျင်းပခြင်း၊ လက်ထပ် ထိမ်းမြားခြင်း၊ နာရေး အခမ်းအနား ကျင်းပခြင်း အစရှိသည့် ဓလေ့ထုံးတမ်း ယဉ်ကျေးမှုတို့မှာ တူညီကြ ပါသည်။ ထိုပြင် တအာင်းမျိုးနွယ်စု အသီးသီး၏ ရိုးရာပုံပြင်များ၊ လူမျိုးနွယ်ဆင်းသက်လာပုံ ပါးစပ်ရာဇဝင်တို့မှာလည်း အများစု တူညီကြပါသည်။

တအာင်းစာပေနှင့် ယဉ်ကျေးမှုကော်မီတီသည် ၁၉၇၃ ခုနှစ်ကတည်းက ယနေ့အထိ တရားဝင်အဖွဲ့အစည်း အဖြစ် မှတ်ပုံတင် ဖွဲ့စည်းထားပြီး စာပေနှင့်ယဉ်ကျေးမှု လုပ်ငန်းများကို တအာင်း လူမျိုးများနေထိုင်ရာ မြို့နယ် အသီးသီးတွင် တက်ကြွစွာ လှုပ်ရှားလျှက်ရှိသည်။

ဤကဲ့သို့သော အချက်အလက်များနှင့် ပြည့်စုံသော မိမိတို့တအာင်းလူမျိုးကို အမျိုးသားရေး လက္ခဏာနှင့် မပြည့်စုံသေး ပါဟု မည်သူ ငြင်းနိုင် ပါမည်နည်း။

PSLF/TNLA လက်စွဲစာအုပ်မှ ကောက်နှုတ်သည်။

 

Be the first to comment

Leave a Reply

Your email address will not be published.


*