ဇူလှိုင်လ (၁၉)ရက်နေ့ တအာင်းဒေသတိုက်ပွဲသတင်း
ဇူလှိုင်လ (၁၉)ရက်နေ့ တအာင်းဒေသတိုက်ပွဲသတင်း
၂၀၁၇ ခုနှစ် ဇူလှိုင်လ ၂၀ရက်
တအာင်းဒေသတပ်မဟာ (၃)နယ်မြေ၊ မန်တုံမြို့နယ်၊ နောခူးကျေးရွာအနီးတွင် တအာင်းအမျိုးသားလွတ်မြောက်ရေးတပ်မတော် TNLA တပ်ရင်း (၉၉၉) နှင့် မြန်မာ့တပ်မတော် တပ်မ (၈၈)တို့ ဇူလှိုင်လ ၁၉ ရက် ည (၁၉း၄၀)နာရီ နှစ်ဖက်ရင်ဆိုင် တိုက်ပွဲဖြစ်ပွားပြီး (၂၀း၁၅) နာရီတွင် တိုက်ပွဲပြီးဆုံးခဲ့သည်။ ဇူလိုင်လ (၁၁)နေ့မှ (၁၈)နေ့အထိ တအာင်းဒေသရက်သတ္တပါတ်ကျော် တိုက်ပွဲဖြစ်ပွားမှုမရှိပဲ ဇူလိုင်လ (၁၉)နေ့တွင် တိုက်ပွဲ ထပ်မံ ဖြစ်ပွားခြင်းဖြစ်သည်။
မြန်မာ့တပ်မတော်သည် နမ့်တမ်ရွာဖက်မှ ယခုတိုက်ပွဲ ဖြစ်ပွားရာ တအာင်းတပ်မတော်တည်ရှိရာ နော်ခူးဖက်သို့ ထိုးစစ်ဆင်တက်လာ သဖြင့် နှစ်ဖက်ရင်ဆိုင်တိုက်ပွဲ ဖြစ်ပွားရခြင်းဖြစ်သည်။
တိုက်ပွဲတွင် မြန်မာ့တပ်မတော်မှ နောခူးကျေးရွာအနီးတွင်လက်နက်ကြီး အမြောက်အများပစ်ခတ်မူကြောင့် ကျေးရွာအတွင်းရှိ လူထုများမနေ၀ံ့တော့ဘဲ လက်ဖက်ခြံသို့ ထွက်ပြေးတိမ်းရှောင်ခဲ့ရပြီး ကျေးရွာအတွင်းရှိလူနေအိမ်များ၊ အိမ်မွေးတိရိစ္ဆာန်များ ပျက်စီးဆုံးရှုံးမူရှိသည်။ ဆုံးရှုံးမူပမာဏ အသေးစိတ်မသိရသေးပါ။
ဇူလှိုင်လ အတွင်း တအာင်းတပ်မတော်နှင့် မြန်မာ့တပ်မတော် နှစ်ဖက်ထိတွေ့ တိုက်ခိုက်မှု ၆ ကြိမ် ဖြစ်ပွားခဲ့သည်။
သတင်းနှင့်ပြန်ကြားရေးဌာန
PSLF/TNLA