တအန်းတပ်မတော်နှင့် မြန်မာတပ်မတော်တို့ ယနေ့တိုက်ပွဲထပ်မံဖြစ်ပွား
၂၀၁၇ခုနှစ် သြဂုတ်လ ၁၃ ရက်
တအန်းပြည်နယ် တပ်မဟာ ၁ နယ်မြေ နမ့်ခမ်းမြို့နယ် ကောင်းဝိုင်းကျေးရွာအနီးတွင် တအန်းအမျိုးသားလွတ်မြောက်ရေးတပ်မတော် TNLA တပ်ရင်း(၁၁၂/၅၇၁)တပ်ဖွဲ့ဝင်အချို့နှင့် မြန်မာတပ်မတော် တပ်မ(၈၈)တို့ ယနေ့နံနက်ပိုင်း(၅း၂၀)နာရီမှ (၈း၀၀)ထိ တိုက်ပွဲ အပြင်းထန်ဖြစ်ပွားခဲ့သည်။ တိုက်ပွဲဖြစ်ပွားပြီးခဲ့နောက် မြန်မာ့တပ်မတော်ဖက် အထိနာသဖြင့် နမ့်ခမ်းမြို့ တပ်စခန်း စခန်းသစ်ကုန်းမှ လက်နက်ကြီးမြောက်များစွာဖြင့် ကောင်းဝိုင်းကျေးရွာ လွယ်လောင်ကျေးရွာအတွင်း ဦးတည်ပစ်ခတ်မှု ပြုလုပ်သည်။
မြန်မာတပ်မတော် ပစ်ခတ်လိုက်သော လက်နက်ကြီးများသည် ကျေးရွာအတွင်းကျရောက်ကာ ဒေသခံ(၄)ဦး လက်နက်ကြီး ကျည်စထိမှန်ဒဏ်ရာရခဲ့သည်။
ဒဏ်ရာရ (၄)ဦးမှာ အသက်(၂)နှစ်ခွဲကျော် ကလေး (၁) လွေးစန်းစန်းမော် (၂)ဒေါ်အေမိုင် (၃) မိုင်းအောင်သိန်း (၄) ယိုင်သိန်းဦး တို့ဖြစ်ကြသည်။
တအန်းတပ်မတော် လှုပ်ရှားနေသည့် နမ့်ခမ်းမြို့ တောင်ဘက်ခြမ်းသို့ မြန်မာတပ်မတော်တို့ ထိုးစစ်ဆင် တိုက်ခိုက်လာရာမှ တိုက်ပွဲဖြစ်ပွားရခြင်းဖြစ်သည်။
သတင်းနှင့်ပြန်ကြားရေးဌာန
PSLF/TNLA