တအန်းအမျိုးသားလွတ်မြောက်ရေးတပ်မတော်နှင့် RCSSတို့ တိုက်ပွဲဆက်လက်ဖြစ်ပွား

၂၀၁၈ခုနှစ်၊ ဇန်နဝါရီ ၁၉ ရက်

တအန်းပြည်နယ်၊ တပ်မဟာ(၂) နယ်မြေ၊ ကျောက်မဲမြို့နယ်၊ တောဖယ်ကျေးရွာနှင့် ကြက်သေ (ကိုက်တိုင်) ကျေးရွာအကြား တအန်းအမျိုးသားလွတ်မြောက်ရေးတပ်မတော် တပ်ရင်း ၂၅၆နှင့် RCSS တို့ ယနေ့ နံနက်ပိုင်း ၀၉း၃၀ နာရီမှ စတင်၍ ညနေပိုင်း ၁၉း၂၀ နာရီထိ တိုက်ပွဲဖြစ်ပွားခဲ့သည်။
ဇန်နဝါရီလ ၁၈ ရက်နေ့ ကိုက်တိုင်ကျေးရွာအနီးတွင် နှစ်ဖက်ထိတွေ့ တိုက်ခိုက်မှု ဖြစ်ပွားခဲ့ပြီး RCSSတပ်ဖွဲ့ နောက်ကြောင်းပြန်ဆုတ်သွားရာ တိုက်ပွဲရပ်သွားခဲ့သည်။
RCSS တပ်ဖွဲ့မှ ယနေ့တဖန်ပြန်လည်ထိုးစစ်ဆင်လာသဖြင့် နှစ်ဖက်တိုက်ပွဲ ပြန်လည်ဖြစ်ပွားရခြင်းဖြစ်သည်။

PSLF/TNLA
သတင်းနှင့် ပြန်ကြားရေးဌာန