မြန်မာ့တပ်မတော်မှ တိုက်ပွဲရှောင် ရွာသားများကို လက်နက်ဖြင့်ပစ်ခတ်ခြိမ်းခြောက်ကာ ရွာမှ နှင်ထုတ်

၂၀၁၈ခုနှစ်၊ ဖေဖော်ဝါရီလ ၈ ရက်

တအန်းပြည်နယ် ကွတ်ခိုင်မြို့နယ် မန်နှိမ်းအွမ်အုပ်စု ငေါ့ငါးကျေးရွာနှင့် ဖာဖိုင်ကျေးရွာအကြားတွင် ဖေဖော်ဝါရီလ ၅ ရက်နေ့၌ တအန်းတပ်မတော်နှင့် မြန်မာ့တပ်မတော်တို့ ပြင်းထန်းစွာတိုက်ပွဲ ဖြစ်ပွားပြီး မြန်မာ့တပ်မတော်မှ ကျေးရွာအတွင်းနှင့် ကျေးရွာပတ်ဝန်းကျင်သို့ လေကြောင်းဖြင့်လည်းကောင်း၊ လက်နက်ကြီး လက်နက်ငယ်များဖြင့် လည်းကောင်း ဦးတည်ပစ်ခတ် တိုက်ခိုက်မှုကြောင့် ထိုဒေသရှိ ငေါ့ငါးရွာ၊ ဖာဖိုင်ရွာ၊ ဆိုက်ခေါင်ရွာ၊ တာခိုင်ရွာ တို့မှ ရွာသားများ ရွာအတွင်းသို့ ပစ်ခတ်မှုကြောင့် ရွာသားများ ရွာလုံးကျွတ် အသက်အန္တရာယ်လွတ်ကင်းနိုင်ရန် တောတွင်းသို့ ထွက်ပြေးတိမ်းရှောင်ခဲ့ကြသည်။
တိုက်ပွဲသံတိတ်၍ ရွာသားများ မိမိနေအိမ်ပြန်လာစဉ် မြန်မာ့တပ်မတော်မှ ကျေးရွာအတွင်းသို့ ရောက်ရှိနေရာယူထားပြီးဖြစ်သဖြင့် ကျေးရွာအတွင်း မဝင်လာရဟု တားမြစ်နှင်ထုတ်ပြီး တချို့ရွာသားများ အိမ်ရှိ အဖိုးတန်ပစ္စည်းနှင့် စားသောက်ရန် ဆန်၊ဆီ၊ဆား ၀င်ယူမည်ပြုစဉ် မြန်မာ့တပ်မတော်မှ သေနတ်ဖြင့် ပစ်ခတ်ခြိမ်းခြောက်ခဲ့သည်။ ထိုသို့ပစ်ခတ်ခြိမ်းခြောက်မှုကြောင့် ရွာသားများ သိန်းနီမြို့နယ်၊ နမ့်ဖတ်ကာကျေးရွာ၊ မိုင်းယုလေးကျေးရွာသို့ ထွက်ပြေးတိမ်းရှောင်ခဲ့ရသည်။
ထွက်ပြေးတိမ်းရှောင်သူများ ယနေ့ရရှိသည့် စာရင်းအရ
မိုင်းယုကျေးရွာ တွင် (၆၂၆)ဦး ၊ နမ့်ဖက်ကာကျေးရွာ အောင်သပြေစစ်ဘေးရှောင်စခန်းတွင် (၅၉) ဦး သိန်းနီမြို့တွင် ၁၅၈ ဦး စုစုပေါင်း (၈၄၃) ဦး ရှိပြီးဖြစ်သည်။
ငေါ့ငါးကျေးရွာသည် အိမ်ခြေ ၁၆၂ အိမ်၊ လူဦးရေ ၁၀၂၄ ဦးရှိပြီး တိုက်ပွဲဖြစ်ချိန်တွင် ရွာလုံးကျွတ် ထွက်ပြေးရာ လူဦးရေစုစုပေါင်း ၄၉၄ ဦးသာ ရောက်ရှိနေပြီး အချို့မှာ တောထဲတွင် ကျန်ရှိနေသေးကြောင်း သိရပါသည်။


PSLF/TNLA
သတင်းနှင့်ပြန်ကြားရေးဌာန